बिहिबार, साउन १४ २०८३
बिहिबार, साउन १४ २०८३
काठमाडौं । प्रतिनिधिसभा र प्रदेशसभातर्फको समानुपातिकको मतगणना जारी छ । प्रतिनिधिसभाको समानुपातिकतर्फ नेकपा (एमाले)ले सुरुआतदेखि नै अग्रता कायम गरिरहेको छ ।
जारी मत गणनामा एमालेले २५,८६,७३३ मत प्राप्त गर्दा नेपाली कांग्रेसले २४,५३,६३१ मत ल्याउँदै दोस्रो स्थानमा छ ।
यसैगरी माओवादी केन्द्रले ११,०१,७२९ ल्याउँदै तेस्रो स्थानमा रहँदा राष्ट्रिय स्वतन्त्र पार्टी १०,७१,६०६ मतका साथ पच्छ्याई रहेको छ ।
नेतृत्वमा आएको परिवर्तनसँगै यसपटक राष्ट्रिय प्रजातन्त्र पार्टीले पनि थ्रेसहोल्ड कटाउँदै ५,५२,२१३ मत ल्याइसकेको छ ।
चुनावको मुखमा सत्ताबाट बाहिरिएको जनता समाजवादी पार्टी, नेपालले ३,५८,८२२ मत पाउँदा सत्तागठबन्धनमा रहेको माधव नेपाल नेतृत्वको नेपाल कम्युनिष्ट पार्टी (एकीकृत समाजवादी) लाई थ्रेसहोल्ट कटाउन धौधौ परेको छ । उसले २,६४,५३४ पाएको छ ।
यसैगरि सत्ता गठबन्धनमै रहेको महन्थ ठाकुरको लोकतान्त्रिक समाजवादी पार्टी नेपालले ३८,४०३ मत पाउँदा जनमत पार्टीले थ्रेस होल्ड कटाउँदै ३,०१,५४४ मत पाएको छ ।
