सोमबार, कार्तिक १६ २०८३
सोमबार, कार्तिक १६ २०८३
काठमाडौं- क्रिकेटर सन्दीप लामिछानेविरुद्धको बलात्कार मुद्दा हेर्दाहेर्दैमा राखिएको छ। काठमाडौं जिल्ला अदालतका न्यायाधीश माधवप्रसाद घिमिरेको इजलासमा भएको थुनछेक बहस नसकिएपछि हेर्दाहेर्दैमा राखिएको हो।
मंगलबार बयान सकिएसँगै बुधबार थुनछेक बहस सुरू भएको हो। बुधबार ९ जना वकिलले बहस गरेका थिए।
पीडित पक्षका चार जना सरकारी वकिल, तीन जना वकिलले बहस गरेका थिए। प्रतिवादीको तर्फबाट अधिवक्ता मुरारी सापकोटा र रोशनी घिमिरेले बहस गरे।
थुनछेक बहस बिहीबार पनि जारी रहनेछ। बहस सकिएपछि इजलासले सन्दीपलाई धरौटीमा रिहा गर्ने वा पुर्पक्षका लागि कारागार चलान गर्ने आदेश जारी गर्न सक्नेछ।
