बिहिबार, साउन १४ २०८३
बिहिबार, साउन १४ २०८३
काठमाडौं । केही महिना अघि नेकपा एमालेबाट अलग भएको एकीकृत समाजवादीका नेता कार्यकर्ता पार्टी परित्याग गर्दै एमालेमा फर्किने क्रम जारी छ ।
अध्यक्ष माधवकुमार नेपाल लगायत शीर्ष नेताले पार्टी फुटाउनुको औचित्य पुष्टि गर्न नसकेको भन्दै उनीहरु पुरानै घर एमालेमा फर्किएका हुन् । माधव नेपाल कांग्रेस र माओवादीको पिछलग्गु बनेकोे, दक्षिणपन्थीहरुसँग मिलेर राष्ट्र हित विपरितका निर्णयमा साक्षी बसेको, गुटगत राजनीतिलाई प्रशय दिएको लगायतको आरोप लगाउँदै उनीहरु एमालेमा फर्र्किएको बताए ।
स्थानीय निर्वाचनको सन्मुखमा उनीहरुको प्रवेशलाई एमालेले महत्व दिएको छ ।
आज मात्रै नेकपा एस निकट युवा संघ नेपालका दर्जनौं नेता-कार्यकर्ता एमालेमा प्रवेश गरे । नवप्रवेशीहरुलाई पार्टी अध्यक्ष केपी शर्मा ओलीले खादा लगाएर स्वागत गरेका छन ।
नव प्रवेशी हरुमा गोबिन्द बुढा (सचिवालय सदस्य एवं विदेश विभाग उपप्रमुख), प्रकाश खड्का, देव मगर, कमल सिंह बुढा लगायतका युवाहरु छन् ।
उनीहरु युवा नेता अमित लामाको सकृयतामा एमालेमा फर्किएका हुन् । उनीहरुलाई नेकपा एमालेमा स्वागत गरिएको थियो ।
