शनिबार, कार्तिक २१ २०८३
शनिबार, कार्तिक २१ २०८३
काठमाडौँ l देशभरिका ७ सय ५३ स्थानीय तहका लागि सोमबार साँझसम्म ४८ हजार १९७ उमेद्वारहरुले मनोनयनपत्र दर्ता गराएका छन्।
देशभरका २९३ नगरपालिकामा १ हजार ६५७ जनाले प्रमुख पदमा मनोनयन दर्ता गराएका छन् भने उपप्रमुख पदमा ९७५ जनाको मनोनयन परेको छ।
४६० गाउँपालिकाको अध्यक्ष पदमा १ हजार ६१० जनाले मनोनयनपत्र दर्ता गराएका छन् भने उपाध्यक्ष पदमा १ हजार ५० जनाले आफ्नो उम्मेदवारी प्रस्तुत गरेका छन्।
देशभरका कुल ६ हजार ७४३ वडाको वडाध्यक्षमा १२ हजार ३१२ जनाको उम्मेदवारी परेको छ। वडा सदस्यमा मनोनयन गर्नेको संख्या १२ हजार ५१७ छ । त्यस्तै ७ हजार ६९३ जनाले महिला सदस्य पदमा उम्मेदवारी दिएका छन्। दलित महिलातर्फ ६ हजार ७११ जनाको उम्मेदवारी परेको निर्वाचन आयोगले जानकारी दिएको छ।
