शनिबार, कार्तिक २१ २०८३
शनिबार, कार्तिक २१ २०८३
काठमाडौँ l नेकपा एमालेले विराटनगर महानगरपालिकाको मेयर र उपमेयरका उम्मेदवार टुंगो लगाएको छ। एमालेले मेयरमा एमाले विराटनगरका अध्यक्ष रहेका सागर थापा र उपमेयरमा महानगर कमिटी उपाध्यक्ष शिल्पा निराला कार्कीलाई उम्मेदवार बनाउने निर्णय गरेको हो।
एमालेले थापाको नाम पहिलो नंबरमा राखेर केन्द्रीय सदस्य जीवन घिमिरेको नाम सहित केन्द्रीय कमिटीमा सिफारिस गरेको थियो ।
यस्तै केन्द्रिय समितिले उपमेयरमा कार्कीलाई उम्मेदवार बनाउने निर्णय गरेको हो। कार्की अखिल नेपाल महिला संघ, मोरङकी अध्यक्ष रहेकी छन्।
एमालेमा महानगर र उपमहानगरको मेयर र उपमेयरको उम्मेदवारको निर्णय केन्द्रीय कमिटीले गर्ने अधिकार रहेको छ।
विराटनगरमा उम्मेदवारको नाम टुंग्याएसँगै एमालेले देशभरीका छ वटै महानगरमा मेयर र उपमेयरको नाम टुंग्याएको छ ।
