शनिबार, कार्तिक २१ २०८३
शनिबार, कार्तिक २१ २०८३
किभ । युक्रेनका राष्ट्रपति भोलोदिमिर जेलेन्स्कीले तेस्रो विश्वयुद्ध हुनसक्ने चेतावनी दिएका छन् ।
रुसी आक्रमण अन्त्यका लागि भइरहका वार्ता बिफल भएमा तेस्रो विश्वयुद्ध हुने चेतावनी दिएका हुन् ।
अमेरिकी एक समाचार संस्थासँग बोल्दै जेलेन्स्कीले आफू रुसी राष्ट्रपति भ्लादिमिर पुटिनसँग प्रत्यक्ष वार्ता गर्न चाहेको बताए । युद्ध अन्त्यको एक मात्र माध्यम वार्ताहरु भएको उनको भनाइ थियो । ‘मलाई लाग्छ हामीले कुनै फरम्याट प्रयोग गर्नुपर्छ । मलाई लाग्छ कि हामीले कुनै पनि ढाँचा प्रयोग गर्नुपर्दछ । ’ उनले भने ।
यद्यपि, जेलेन्स्कीले युक्रेनले रुसले समर्थन जनाएको पृथकतावादी क्षेत्रहरूलाई स्वतन्त्र रूपमा मान्यता दिनु पर्ने कुनै पनि सम्झौता अस्वीकार गरेको उनले बताए । आफ्नो देश नेटोको सदस्य नभएको भए रुसले युक्रेनमाथि हमला गर्न नसक्ने उनको दाबी थियो ।
‘यदि नेटो सदस्यहरू हामीलाई गठबन्धनमा हेर्न तयार छन् भने, तुरुन्तै गर्नुहोस्,’ उनले भने, ‘किनभने मानिसहरू दैनिक जसो मरिरहेका छन् ।’
दिनहुँजसो वार्ता भइरहेका बेला उनको यस्तो भनाइ आउनुलाई विशेष रुपमा हेरिएको छ । यसको लक्षण त्यति सकारात्मक नभएको सञ्चार माध्यामले जनाएका छन् ।
यसअघि जेलेन्स्कीले युक्रेनका ११ राजनीतिक दलका गतिविधि निलम्बन गर्न आदेश दिएका थिए । ती राजनीतिक दलहरुले रूससँग सम्बन्ध राखेको भन्दै उनले प्रतिबन्ध लगाएका हुन्। रूस–युक्रेन युद्धबीच आन्तरिक रुपमा पनि बेमेल देखिएको छ ।
एजेन्सी
