शनिबार, कार्तिक २१ २०८३
शनिबार, कार्तिक २१ २०८३
काठमाडौँ l प्रधानमन्त्री शेरबहादुर देउवाले नेपाली सेनालाई ‘हाई अलर्ट’ मा रहन निर्देशन दिएका छन्। मुलुकको पछिल्लो अवस्थाबारे सेनाको रिपोर्टिङ सुनेपछि प्रधानमन्त्रीले उक्त निर्देशन दिएका हुन् l
केहीबेर अघि बालुवाटारमा प्रधानमन्त्री देउवा र प्रधानसेनापति प्रभुराम शर्माबीच भएको भेटमा उक्त निर्देशन भएको बालुवाटार स्रोतले बताएको छ ।
नेपाली समाज एमसीसी सम्झौताको विपक्षमा देखिएपछि सम्भावित सुरक्षा प्रबन्धबारे पनि उनीहरुबीच सँक्षिप्त कुराकानी भएको बुझिएको छ ।
बालुवाटार स्रोतका अनुसार मुलुकको पछिल्लो अवस्थासम्बन्धी सेनाको रिपोर्टिङ सुनेपछि प्रधानमन्त्रीले प्रधानसेनापतिलाई सेनालाई उच्च सतर्कताका साथ स्टाण्डबाई रहन निर्देशन दिएका हुन् ।
प्रधानमन्त्रीसँग झण्डै २० मीनेट भेटेपछि शर्मा सवा ९ बजे त्यहाँबाट जंगी अड्डातर्फ लागेका छन् l जनआस्था साप्ताहिकबाट
