शनिबार, कार्तिक २१ २०८३
शनिबार, कार्तिक २१ २०८३
काठमाडौं । नेकपा माओवादी केन्द्रले आज देशैभर वडा सम्मेलन गर्दै छ । नयाँ क्रान्तिकारी विचार र नयाँ क्रान्तिकारी पार्टी निर्माण गरौं भन्दै माओवादीले ६ हजार ७ सय ४३ वटा वडामा अधिवेशन सुरु गर्न लागेको हो ।
माओवादीले पार्टीलाई नयाँ शिराबाट निर्माण गर्नका लागि वडा सम्मेलन कोशेढुङ्गा सावित हुने विश्वास लिएको छ । माओवादीले वडा समितिको चयन गर्दा सकेसम्म सर्वसहमतिमा गर्न भनेको छ ।
निर्वाचन हुने अवस्था आएको खण्डमा मर्यादित तरिकाले पार्टीको आन्तरिक लोकतन्त्रलाई सम्मान गर्दै सोहीअनुसारको भूमिका निर्वाह गर्न कार्यकर्तालाई आग्रह गरेको छ ।
माओवादीले यही मङ्सिर ११ गते सबै पालिकामा र मङ्सिर २५ गते सातै प्रदेशमा नेतृत्व चयनका लागि सम्मेलन गर्दैछ ।
आगामी पुस ११, १२ र १३ गते काठमाडौँमा राष्ट्रिय सम्मेलनको आयोजना गरिएको छ ।
माओवादीले अहिलेसम्म झण्डै ८ लाखले पार्टी सदस्यताको विवरण उपलब्ध गराएको र अझै केहि नामावली दर्ता गर्न बाँकी रहेको बताएको छ ।
