बिहिबार, साउन १४ २०८३
बिहिबार, साउन १४ २०८३
काठमाडौं । राष्ट्रपति विद्यादेवी भण्डारी आज मनाङ जादै छिन् । अवलोकन भ्रमणका लागि उहाँ मनाङ जान लागेकी हुन् । प्रमुख जिल्ला अधिकारी रवीन्द्रप्रसाद आचार्यले राष्ट्रपति भण्डारी काठमाडौँबाट हेलिकोप्टरमार्फत मनाङ आइपुग्ने जानकारी दिएका छन् ।
यसअघि मुक्तिनाथ पुगेकी भण्डारी पछिल्लो समय देश भ्रमणमा निस्किन थालेकी हुन् । कुनै औपचारिक कार्यक्रम नभएपनि अवलोकन भ्रमणकालागि राष्ट्रपति मनाङ जान लागेको राष्ट्रपति कार्यालयले जनाएको छ ।
त्यहा राष्ट्रपति भण्डारीले सांसद पाल्देन छोपाङ गुरुङको एग्रो मनाङ प्रालि स्याउ फार्मको अवलोकन गर्ने प्रजिअ आचार्यले बताए ।
राष्ट्रपति भण्डारीले अवलोकन गर्ने स्याउ फार्म नेपालकै सबैभन्दा ठूलो फार्म हो । त्यहा इटालीबाट बिरुवा ल्याएर गाला, फुजी, गोल्डेनलगायत स्याउ उत्पादन हुँदै आएको छ ।
वर्षाका बेला मनाङका केही क्षेत्रमा भएको क्षति र बाढी प्रभावित क्षेत्रको समेत राष्ट्रपतिले अवलोकन गर्ने कार्यतालिका बनाइएको छ ।
हिमाली जिल्लामा देखापरेका समस्या र अवस्थाका बारेमा राष्ट्रपतिलाई जानकारी गराउने तयारी गरिएको छ ।
