शनिबार, कार्तिक २१ २०८३
शनिबार, कार्तिक २१ २०८३
काठमाडौं । आजदेखि मौसममा सुधार आउने जल तथा मौसम पूर्वानुमान महाशाखाले जनाएको छ । विहानीसँगै देशका अधिकांस ठाँउमा घाम लागेको छ । मौसमविद् प्रतिभा मानन्धरका अनुसार भारतमा रहेको न्यूनचापीय प्रणाली र पश्चिमी वायुको पानी पार्ने प्रणाली गएरातिबाट कमजोर हुदै गएकाले अब मौसम खुल्दै जाने छ ।
केहि स्थानमा फाट्ट फुट्ट झरी परेपनि अविरल वर्षा नपर्ने मानन्धरको भनाई छ । मानन्धरले अनपेक्षितरुपमा प्रणाली विकसित हुदा नेपालमा वर्षा भएको बताइन् । उनले आँकलन गरिएभन्दा फरक तरिकाले प्रणाली सक्रिय हुदा बेमौसमी वर्षा भएको उल्लेख गरेकी छन् ।
भारतको बिहार र उत्तर प्रदेश आसपासमा रहेको न्यूनचापीय प्रणाली र पश्चिमी वायुको पानी पार्ने प्रणाली निष्क्रिय भएको जल तथा मौसम पूर्वानुमान महाशाखाले जनाएको छ । महाशाखाका अनुसार आजदेखि देशका धेरै ठाउँमा मौसम सफा हुन्छ, स्थानीय वायुको प्रभावका कारण केही ठाउँमा हल्का पानी परे पनि बाढी र डुबान हुने गरी ठूलो वर्षा र झरीको सम्भावना छैन । हिजो पश्चिमबाट पूर्व सरेको प्रणाली त्यहाँबाट पनि हटिसकेको मानन्धरले बताइन् ।
महाशाखाले यसअघि परेको वर्षाका कारण जमिन जमिन कमजोर भएकाले पहिरोको जोखिम भने कायमै रहेको चेतावनी दिएको छ । भिरालो जमिनमा बसोबास गर्ने र यात्रा गर्नेहरुलाई विशेष सावधानी अपनाउन महाशाखाले आग्रह गरेको छ ।
