पहिरोले पुरिँदा पाँचथरमा आमा छोरासहित ५ जनाको मृत्यु, दुई जना बेपत्ता

काठमाडौं । पहिरोमा पुरिएका   पाँचथरका  विभिन्न स्थानमा ५ जनाको मृत्यु भएको छ । सदरमुकाम फिदिम,मिक्लाजुङ,फाल्गुनन्द र कुम्मायक गाँउपालिकामा खसेको पहिरोले पुरिदा  ५ जनाको मृत्यु भएको हो ।  

प्रहरीका अनुसार फिदिम–४ जोरसालमा पहिरोले घर पुर्दा आमा छोराको मृत्यु भएको छ । घर माथिबाट आएको पहिरोले पुरिएर २५ वर्षीया आमा ममता मगर र ४ वर्षीय छोरा रोयल मगरको मृत्यु भएको जिल्ला प्रहरी कार्यालय पाँचथरले जनाएको छ ।

कार्यालयका अनुसार मिक्लाजुङ,फाल्गुनन्द र कुम्मायकमा एक–एक जनाको मृत्यु भएको छ भने जिल्लामा २ जना बेपत्ता अझै बेपत्ता छन् । 

पहिरोले मेची राजमार्गको इलाम–फिदिम र फिदिम–ताप्लेजुङका विभिन्न स्थानमा सडक अवरुद्ध भएको छ ।