आइतबार, कार्तिक २२ २०८३
आइतबार, कार्तिक २२ २०८३
काठमाडौं, भाद्र १४ । पूर्वप्रधानमन्त्री एवम् नेकपा एकीकृत समाजवादी पार्टीका वरिष्ठ नेता झलनाथ खनाल उपचारपछि स्वदेश फर्किएका छन् । भारतको नयाँ दिल्लीमा रहेको अपोलो अस्पतालमा मिर्गौला प्रत्यारोपण गरेका खनालको स्वास्थ्यमा सुधार आएसँगै आज स्वदेश फर्किएका हुन् ।
नेता खनाललाई स्वागत गर्न नेकपा एकीकृत समाजवादीका अध्यक्ष एवम् पूर्वप्रधानमन्त्री माधवकुमार नेपालसहितका नेता त्रिभुवन अन्तर्राष्ट्रिय विमानस्थल पुगेका थिए ।
त्रिभुवन विमानस्थलमा पत्रकारसँग संक्षिप्त कुरा गर्दै नेता खनालले एमाले अध्यक्ष ओलीले पार्टीलाई दक्षिणपन्थी, अवसरवाद, अहङ्कारवाद र व्यक्तिवादमा लगेकाले विद्रोह गर्नुपरेको बताए ।
खनालले आफू ७० वर्ष नाघिसकेकाले पार्टीमा कार्यकारी भूमिकामा नरहने भन्दै बाकी जीवन देशका लागि समर्पण गर्ने बताए ।
खनाललाई आफ्नै भान्जीले मिर्गौला दान दिएको बताइएको छ । खनालको उपचारमा नेपाल सरकारले आर्थिक सहयोग गरेको छ ।
