बिहिबार, साउन १४ २०८३
बिहिबार, साउन १४ २०८३
काठमाडौं, भाद्र ७ । लुम्बिनी प्रदेशका मुख्यमन्त्री कुलप्रसाद केसीले विश्वासको मत पाएका छन् । एमालेले संसद बहिष्कार गरेपछि चलेको प्रदेश सभा बैठकमा मुख्यमन्त्री केसीले ४२ मत पाए ।
विश्वासको मत पाउन ४१ मत आवश्यक पर्छ । विपक्षमा कुनै पनि मत खसेको छैन । आजको बैठक एमालेले भने बहिष्कार गरेको छ । सांसद अजय शाही र विमला वली एमालेकै सांसद भएको र उनीहरूलाई एमालेले कारबाही गरे पनि सभामुखले पदमुक्तको सूचना ननिकालेको भन्दै एमालेका सांसदहरूले आजको पहिलो बैठक नाराबाजी गर्दै बैठक अवरोध गरेका थिए ।
तर दोस्रो बैठक र तेस्रो बैठक एमालेले बहिष्कार गरेको थियो । एमालेले बहिष्कार गरेपछि तेस्रो बैठकमा मुख्यमन्त्रीले विश्वासको मत लिएका हुन् ।
