बिहिबार, साउन १४ २०८३
बिहिबार, साउन १४ २०८३
संयुक्त राष्ट्र सङ्घले ग्लोबल वार्मिङ बढ्नुको मूख्य कारण मानव जाति नै ठह¥याएको छ । इन्टरगभर्नमेन्टल प्यानल अफ क्लाइमेट चेन्ज ले पृथ्वीको औसत तापमान आगामी एक दशकमा एक दशमलव पाँच डिग्री सेल्सियससम्म बढ्ने प्रतिवेदन सार्वजनिक गरेको हो । बढ्दो तापमानबाट विश्वभरमा मौसमसँग सम्बन्धित ठूला ठूला विपद आउन सक्ने आकलन गरिएको छ ।
वायुमण्डलको तापमान बढाउने ग्यासको उत्सर्जन जसरी भइरहेको छ, यहि कारण पछिल्ला दुई दशकमा तापमानको बृद्धि अस्वभाविक भएको प्रतिवेदनमा भनिएको छ ।
अहिलेकै अवस्था रहिरहे यस शताब्दीको अन्त्यसम्म समुद्रको जलस्तर झन्डै दुई मिटरसम्म बढ्न सक्ने यस अध्ययनसँग जोडिएका शोधकर्ताहरूले अनुमान गरेका छन् ।
संयुक्त राष्ट्र सङ्घका महासचिव एन्टोनियो गुटेरसले आईपीसीसी वर्किङ ग्रुपको पहिलो प्रतिवेदन मानवताका लागि खतराको सङ्केत भएको बताउनुभएको छ ।
जलवायु परिवर्तनको विज्ञानलाई आकलन गर्नका लागि सन् १९८८ मा स्थापना गरिएको राष्ट्रसंघीय संस्था आईपीसीसीले विश्वव्यापी तापमान बढ्नुको वैज्ञानिक जानकारी दिदै आएको छ ।
आगामी नोभेम्बरमा बेलायतमा हुने संयुक्त राष्ट्र सङ्घको जलवायु सम्मेलन मा आइपीसीसीको प्रतिवेदनमाथि थप छलफल हुने बताइएको छ ।
एजेन्सी
