बुधबार, साउन १३ २०८३
बुधबार, साउन १३ २०८३
प्रहरी हिरासतमा रहेका बलिउड नायीका शिल्पा सेट्टीका पति तथा ब्यवसायी राज कुन्द्रा थप समस्यामा परेका छन् । उनी अश्लील भिडियो बनाएको र सार्वजनिक गरेको अभियोगमा पक्राउ परेका हुन् । अदालतले उनलाई तत्काल हिरासत मुक्त नगर्ने भएको छ । अदालतको यस्तो निर्णयवाट उनी अझै हिरासतमै बस्नु पर्ने भएको छ ।
बम्बे उच्च अदालतले राजलाई न्यायिक हिरासतबाट तत्काल रिहाइ गर्नुपर्ने मागसहितको रिट निवेदन खारेज गरेको छ । राज र उनका सहयोगी रयान थोर्पेलाई मुम्बई प्रहरीको अपराध शाखाले गएको जुलाई १९ तारिखमा पक्राउ गरेको थियो । त्यसबेला १५ दिनको हिरासतमा राखेर अनुसन्धान गर्न प्रहरीलाई अनुमति दिएको अदालतले उनको रिहाइको रिट खारेज गरिदिएको हो ।
प्रहरीले यो घटनामा संलग्न एक दर्जन कलाकारहरुको वयान लिइसकेको छ । साथै राजका पूर्व कर्मचारीहरुको पनि वयान लिएको छ । उनका केही पूर्व कर्मचारीहरुले राजको ब्यवसायीक र प्राविधिक विषयका बारेमा प्रहरीलाई गोप्य सूचना समेत दिएका छन् ।- एजेन्सी
