जबरजस्ती करणी गरेको अभियोगमा पक्राउ

काठमाडौंमा १७ वर्षीया किशोरीलाई जबरजस्ती करणी गरेको अभियोगमा काठमाडौं महानगरपालिका–१५ डल्लु बस्ने काभ्रे चौरीदेउराली गाउँपालिका–८ घर भएका २३ वर्षीय ओम पहरीलाई मंगलबार दिउँसो प्रहरीले पक्राउ गरेको छ । काठमाडौं महानगरपालिका–१५ हलचोकस्थित मेहरगेष्ट हाउसमा ओमले ती किशोरीलाई विभिन्न प्रलोभनमा पारी जबरजस्ती करणी गरेको भन्ने खबर प्राप्त हुनासाथ महानगरीय प्रहरी वृत्तबाट खटिएको प्रहरीले उनलाई पक्राउ गरेको हो । 
यसैगरी कञ्चनपुर, ३५ वर्षीया महिलालाई जबरजस्ती करणी गरेको अभियोगमा पुनर्वास नगरपालिका–२ दशरथबस्ती बस्ने ४० वर्षीय जग्गु चौधरीलाई मंगलबार राति प्रहरीले पक्राउ गरेको छ । चौधरीले ती महिलालाई जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय त्रिभुवनबस्तीबाट खटिएको प्रहरीले उनलाई पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।