विभिन्न धनमाल चोरी

काठमाडौंको बुढानीलकण्ठ नगरपालिका–२ चपली चोकस्थित कुन्जो कोलनीभित्र हरिबाबु पन्तको घरको ढोका कोही नभएको अवस्थामा फोडेर दोस्रो तलामा रहेको दराजबाट ३ हजार २ सय अमेरीकी डलर र ७० हजार नेपाली रूपैयाँ गरी करिब ४ लाख ४० हजार ५ सय रूपैयाँ नगद आइतबार दिउँसो चोरी भएको छ । 
यसैगरी काठमाडौंको चन्द्रागिरी नगरपालिका–१२ बलम्बुस्थित पूर्ण जंग श्रेष्ठको घरबाट ४ तोला बराबरको सुनका विभिन्न गहना र नगद ३२ हजार रूपैयाँ गरी करिब ३ लाख ८२ हजार रूपैयाँ बराबरको धनमाल आइतबार बेलुकी चोरी भएको छ । 
चोरीमा संलग्न फरार ब्यक्तिहरूको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।