बुधबार, साउन १३ २०८३
बुधबार, साउन १३ २०८३
काठमाडौं – सर्वाेच्च अदालतले प्रतिनिधिसभा संसद् पुनःस्थापना गरेपछि प्रधानमन्त्री केपी शर्मा ओलीको भाबी कदमबारे सर्वत्र चासो छ ।
प्रधानमन्त्री ओली यतिबेला बालुवाटारभित्र के गर्दैछन् ? आज मंगलबार ७० औं जन्मदिन मनाएका ओलीले अदालतको फैसलापछि पनि आफ्ना पूर्व निर्धारित कार्यक्रमलाई निरन्तरता दिएका छन् ।
अदालतको फैसलापछि ओलीले मंगलवार ‘मेरा अनुभूतिहरू’ नामक पुस्तक विमोचन गरेका छन् । ‘मेरा अनुभूतिहरू’ पुस्तकको लेखक प्रधानमन्त्री ओलीकी पत्नी राधिका शाक्य रहेकी छन् ।
ओलीलाई जन्मदिनको शुभकामना दिने तथा पुस्तक विमोचन गर्ने कार्यक्रम तय भइसकेको र अदालतको फैसलाले त्यसमा प्रभाव नपारेको बालुवाटार स्रोतले जनाएको छ ।
ओलीले अदालतको फैसलापछि भाबी कदमबारे छलफलका लागि आफू निकटस्थलाई बालुवाटारमा बोलाएका स्रोतले जनाएको छ । अब ओलीले के गर्छन् भनेर सर्वत्र चासो रहेको छ । निकटसँगको छलफलपछि ओलीले आगामी कदम चाल्ने तयारी गरेको स्रोतले जनाएको छ ।
