खुकुरी प्रहार गरी घाइते बनाएको अभियोगमा पक्राउ

५५ वर्षीया महिलालाई धारिलो हतियार खुकुरी प्रहार गरी घाइते बनाएको अभियोगमा माप्यदुधकोशी गाउँपालिका ६ वाप्सा बस्ने ७३ वर्षीय सिह बहादुर रेग्मी मगरलाई सोमबार दिउँसो प्रहरीले पक्राउ गरेको छ । 
घाँसको बिषयमा विवाद हुँदा मगरले ती महिलालाई खुकुरी प्रहार गर्दा घाइते भएको भन्ने खबर प्राप्त हुनासाथ प्रहरी चौकी वाकुमाबाट खटिएको प्रहरीले उनलाई पक्राउ गरेको हो । घाइते महिलालाई उपचारको लागि प्राथमिक स्वास्थ्य चौकी वाकु पठाइएको छ । यस सम्बन्धमा प्रहरीले थप अनुसन्धान गरिरहेको छ ।