सोमबार, कार्तिक १६ २०८३
सोमबार, कार्तिक १६ २०८३
बुधबार, असार ३ २०८३
झापा । झापाको गौरादहमा टिपरको ठक्करबाट एक साइकलयात्रीको मृत्यु भएको छ।
जिल्ला ट्राफिक प्रहरी कार्यालयका अनुसार गौरादह नगरपालिका–१ स्थित पाडाजुङ्गी–गौरीगन्ज भित्री सडकखण्डअन्तर्गत नवदुर्गा पेट्रोलपम्प अगाडि मंगलबार राति दुर्घटना भएको हो।
डिपु चोकबाट पेट्रोलपम्पतर्फ गइरहेको प्रदेश १–०१–००१ क ११८८ नम्बरको टिपरले साइकलयात्री गौरादह नगरपालिका–४ निवासी ६१ वर्षीय प्रेमप्रसाद गुरागाईँलाई ठक्कर दिएको प्रहरीले जनाएको छ।
दुर्घटनामा गम्भीर घाइते भएका गुरागाईँलाई उपचारका लागि दमक अस्पताल पुर्याइएको थियो। तर उपचारकै क्रममा चिकित्सकले उनलाई मृत घोषणा गरेका थिए।
दुर्घटनामा संलग्न टिपरका चालक गौरादह नगरपालिका–१ निवासी ३५ वर्षीय उमेश ताजपुरियालाई प्रहरीले नियन्त्रणमा लिई थप अनुसन्धान अघि बढाएको जनाएको छ।
