शंकर पोखरेलको राजीनामा माग्दै एमाले युवाहरू सडक प्रदर्शनमा

नेकपा एमालेका महासचिव शंकर पोखरेलको राजीनामा माग्दै अनेरास्ववियुका विद्यार्थीहरूले प्रदर्शन गरेका छन् ।

अस्कल क्याम्पसबाट निस्किएका विद्यार्थीहरूले पोखरेलको राजीनामा मागसहित प्रदर्शन गरेका छन् ।

प्रदर्शनका क्रममा सुहाङ नेम्वाङको पक्षमा नारा लागेको छ । नेम्वाङ एमाले संसदीय दलको नेताका आकांक्षी थिए ।

तर रामबहादुर थापालाई निर्विरोध निर्वाचित गराउन सांसदहरुलाई महासचिव पोखरेलले दबाब दिइएको भन्दै युवाहरुले सामाजिक सञ्जालमा आपत्ति जनाइरहेका छन् ।

सामाजिक सञ्जालमा राजीनामा अभियान चलाइरहेका युवा–विद्यार्थीहरूले बिहीबार राति सडक प्रदर्शन गरेका छन् ।

उनीहरूले पार्टीभित्र युवाहरूलाई अवसर दिनुपर्ने, पार्टी कब्जा गर्न नपाइने, महासचिव पदबाट पोखरेलले राजीनामा दिनुपर्ने लगायत नारा लगाएका छन् ।