दार्चुलामा जिप दुर्घटना, सिँचाइका दुई कर्मचारीको मृत्यु

दार्चुला । ओसिलबाट गोकुलेश्वरतर्फ जाँदै गरेको जिप शैल्यशिखर नगरपालिका–४ ओसिल क्षेत्रमा दुर्घटना हुँदा त्यसमा सवार दुई जना सरकारी कर्मचारीको घटनास्थलमै मृत्यु भएको छ।

जिल्ला प्रहरी कार्यालय दार्चुलाका अनुसार दुर्घटनामा परी जलस्रोत तथा सिँचाइ विकास डिभिजन कार्यालय दार्चुलामा कार्यरत इन्जिनियर मनिषा चन्द र वरिष्ठ प्रशासकीय अधिकृत भरतबहादुर तितराको मृत्यु भएको हो। उहाँहरू कामको सिलसिलामा काडापारीबाट ओसिलतर्फ जाँदै थिए ।

दुर्घटनामा अन्य चार जना घाइते भएका छन्। उनीहरूको उपचार हाल गोकुलेश्वरस्थित गोकुलेश्वर अस्पतालमा भइरहेको छ।