कस्तो रहला आज देशभरको मौसम ?

काठमाडौं। हाल नेपालमा पश्चिमी वायु प्रणाली तथा नेपालको पूर्वी भू–भाग नजिक तल्लो वायुमण्डलमा रहेको न्यून चापीय क्षेत्रको आंशिक प्रभाव रहेको छ।

मौसम पूर्वानुमान महाशाखा का अनुसार अहिले बागमती प्रदेश र गण्डकी प्रदेश सहित कोशी प्रदेश का पहाडी तथा हिमाली भू–भागमा साधारणतया बादल लागेको छ भने अन्य प्रदेशका पहाडी तथा हिमाली क्षेत्रमा आंशिक बादल लागेको छ।

हाल गण्डकी प्रदेशका केही पहाडी क्षेत्र तथा बागमती प्रदेशको तराईका थोरै स्थानमा मेघगर्जन र चट्याङसहित मध्यम वर्षा भइरहेको महाशाखाले जनाएको छ।

आज दिउँसो कोशी र सुदूरपश्चिम प्रदेश लगायत अन्य प्रदेशका पहाडी तथा हिमाली भू–भागमा साधारणतया बादल लाग्ने तथा बाँकी क्षेत्रमा आंशिक बदली रहने अनुमान गरिएको छ।

त्यसैगरी कोशी, बागमती, गण्डकी र लुम्बिनी प्रदेश का पहाडी तथा हिमाली भू–भागका थोरै स्थानमा तथा कोशी प्रदेशको तराईसहित कर्णाली प्रदेश र सुदूरपश्चिम प्रदेशका पहाडी भू–भागका एक–दुई स्थानमा मेघगर्जन/चट्याङसहित मध्यम वर्षा वा हिमपातको सम्भावना रहेको छ।

आज राति देशको हिमाली भू–भागमा सामान्य बदली रहने तथा बाँकी भू–भागमा आंशिक बदली रहने महाशाखाले जनाएको छ। साथै हिमाली क्षेत्रका थोरै स्थान र पहाडी क्षेत्रका एक–दुई स्थानमा मेघगर्जन/चट्याङसहित मध्यम वर्षा वा हिमपात हुन सक्ने सम्भावना रहेको छ।