बुधबार, साउन १३ २०८३
बुधबार, साउन १३ २०८३
काठमाडौं साउन,१६– पहिलोपटक सुमेरु अस्पतालमा मिर्गौलाको सफल प्रत्यारोपण गरिएको छ । अस्पतालले दुई जनामा मिर्गौला प्रत्यारोपण गरेको हो । मिर्गौला रोग विशेषज्ञ डा ऋषि काफ्लेको नेतृत्वमा शुक्रानी योञ्जन र विकास गुरुङको सफल मिर्गौला प्रत्यारोपण गरिएको अस्पतालले जनाएको छ ।
डा काफ्लेका अनुसार दुवै जनामा निःशुल्क मिर्गौला प्रत्यारोपण गरिएको हो ।
सरकारले अस्पतालको पूर्वाधार टिम हेरेपछि ५ महिना अगाडि प्रत्यारोपणका लागि स्वीकृति दिएको उनको भनाइ छ । उनले भने, ‘हामीले भविष्यमा सर्वसुलभ तरिकाले प्रत्यरोपणलाई निरन्तरता दिने सोचेका छौं ।’ सुमेरु अस्पतालसँगै नेपालमा मिर्गौला प्रत्यारोपण गर्ने अस्पतालको संख्या ८ पुगेको छ।
