शनिबार, कार्तिक २१ २०८३
शनिबार, कार्तिक २१ २०८३
शनिबार, कार्तिक ८ २०८२
काठमाडौं । जेन–जी आन्दोलनका क्रममा दर्ता गरिएका जाहेरीहरू तामेलीमा राखिएको छ। निवर्तमान प्रधानमन्त्री केपी शर्मा ओली, निवर्तमान गृहमन्त्री रमेश लेखक, काठमाडौं महानगरपालिकाका मेयर बालेन्द्र शाह (बालेन) र ‘हामी नेपाल’ का संयोजक सुदन गुरुङ लगायतविरुद्ध परेका जाहेरीहरू अब तामेलीमा परेका हुन्।
जिल्ला प्रहरी परिसर, काठमाडौंमा गत कात्तिक २३ र २४ गते भएको जेन–जी आन्दोलनका घटनासम्बन्धी जाहेरीहरू तामेलीमा राख्ने निर्णय भएको प्रहरी उच्च स्रोतले जनाएको छ।
स्रोतका अनुसार, “तत्काल प्राप्त प्रमाणहरूको आधारमा अनुसन्धान गर्दा जाहेरी अघि बढाउनुपर्ने पर्याप्त कारण नदेखिएपछि ती सबै जाहेरीहरू तामेलीमा राखिएका हुन्।”
ओली र लेखकविरुद्ध सुदन गुरुङसहितको उपस्थितिमा जाहेरी दर्ता गरिएको थियो। प्रारम्भिक रूपमा ती जाहेरीहरू जाँचबुझ आयोगमा पठाइएका थिए, तर पछि पुनः प्रहरी कार्यालयमै फिर्ता गरिएका थिए।
सरकारी वकिल कार्यालयको सल्लाहपछि ती सबै जाहेरीहरू तामेलीमा राख्ने निर्णय गरिएको प्रहरीले जनाएको छ।
यसैबीच, मेयर बालेन शाह र सुदन गुरुङविरुद्ध अनेरास्ववियु (एमाले निकट विद्यार्थी संगठन) ले जाहेरी दिएको थियो। ती जाहेरीहरू प्रहरीमा बुझिए पनि औपचारिक रूपमा दर्ता भने गरिएको थिएन।
