शनिबार, कार्तिक २१ २०८३
शनिबार, कार्तिक २१ २०८३
आइतबार, असोज १९ २०८२
काठमाडौँ । पछिल्ला दुई दिनमा देशभर विभिन्न विपद्का घटनामा परी ४० जनाको मृत्यु भएको छ ।
सशस्त्र प्रहरी बलका अनुसार बाढी, पहिरो, चट्याङ र सवारी दुर्घटनाबाट १३ जना घाइते भएका छन् भने ११ जना बेपत्ता छन्।
बाढीपहिरोबाट इलाम जिल्लामा मात्रै २८ जनाको मृत्यु र दुई जना गम्भीर घाइते भएका छन्।
इलामको सूर्योदय नगरपालिकामा पाँच, इलाम नगरपालिकामा छ, देउमाई नगरपालिकामा दुई, फाकफोकथुम गाउँपालिकामा एक, माङ्सेबुङमा तीन, माइजोगमाईमा आठ र सन्दकपुर गाउँपालिकामा तीन जनाको ज्यान गएको सशस्त्र प्रहरी बलका सह–प्रवक्ता शैलेन्द्र थापाले जानकारी दिनुभयो।
त्यसैगरी, बाढीपहिरोका कारण उदयपुरमा दुई, रौतहटमा तीन, रसुवामा चार र काठमाडौँमा एक जनाको मृत्यु भएको छ।
खोटाङ, भोजपुर, रौतहट र मकवानपुरमा चट्याङबाट आठ जना घाइते भएका छन्।
पाँचथरमा सवारी दुर्घटनामा छ जनाको मृत्यु भएको छ भने छ जना घाइते भएका छन्।
