आइतबार, कार्तिक २२ २०८३
आइतबार, कार्तिक २२ २०८३
मंगलबार, साउन १३ २०८२
काठमाडौं । सिन्धुलीबाट सम्पर्कविहीन भएका उर्मिला हायुको परिवारका सबै सदस्य पोखरामा भेटिएका छन् ।
पोखरा महानगरपालिका-३० गगनगौँडाका दुई घरमा बसिरहेको अवस्थामा उनीहरू भेटिएका जिल्ला प्रहरी कार्यालय, कास्कीका प्रहरी निरीक्षक गणेश पाण्डेले जानकारी दिए ।
सम्पर्कविहीन रहेका १६ जनाकै नाम रूजु भएको जनाउँदै उनले उनीहरू सकुशल रहेका बताए । उनीहरू सिन्धुलीबाट पोखरा किन र कसरी आए भन्ने विषयमा अनुसन्धान भइरहेको प्रहरी निरीक्षक पाण्डेले बताए ।
उनीहरुलाई खोज्न जिल्ला प्रहरी कार्यालय सिन्धुली, जिल्ला प्रसासन कार्यालय र प्रहरी कार्यालय रामेछापको टोली परिचालित भएका थिए ।
सम्पर्कविहीन भएका उनीहरूको मोबाइलको अन्तिम लोकेशन रामेछापको सिमन्दीछाप भन्ने ठाउँमा देखिएको थियो ।
रामेछापका प्रमुख जिल्ला अधिकारी श्याम कृष्ण थापाको नेतृत्वमा रामेछापमा रहेका हायू समुदायको प्रत्येक घरमा प्रहरी पुगेको थियो ।
रामेछाप नगरपालिका ९ सेलेघाटदेखि रामेछाप बजारसम्म, हराएकी उर्मिलाको माईतीको घरमा समेत प्रहरी पुगेको थियो ।
सिन्धुली र रामेछाप लगायतका विभिन्न स्थानका प्रसासन, स्थानीय जनप्रतिनिधि लाग्दा पनि नभेटिएका उनीहरू पोखरामा भेटिएका थिए ।
