सुनको मूल्य बढ्यो, कति पुग्यो आज ?

काठमाडौं । नेपाल सुनचाँदी व्यवसायी महासंघका अनुसार नेपाली बजारमा सुनको मूल्य आज बढेको छ ।

आज सुनको मूल्य २२ सय रुपैयाँले बढेको हो ।

महासंघका अनुसार आज सुनको मूल्य प्रतितोला एक लाख ६६ हजार ९ सय रुपैयाँ कायम भएको छ ।

हिजो तोलामा एक लाख ६४ हजार ७ सय रुपैयाँमा कारोबार भएको छ ।

त्यस्तै, चाँदीको मूल्य प्रतितोला ४५ रुपैयाँले बढेको छ । आज एक हजार ९७५ रुपैयाँ मूल्य कायम भएको महासंघले जनाएको छ ।