फौजमा भन्ने एक, गर्ने अनेक

नियमलाई कडाइसाथ लागू गर्न खोज्ने आइजिपी राजु अर्याल घरीघरी आफ्नो निर्णयबाट आफैं पछाडि सरेको अनुभूति सशस्त्र प्रहरीले गर्न थालेका छन् । नेता भेट्दा पुर्जी काट्ने अर्यालले नेताकै दबाबका कारण कतिपयको सरुवा गरेपछि यस्तो अनुभूति हुन थालेको हो ।

पहिला टिकापुरस्थित तालिम केन्द्रको कमाण्डेन्ट भएर बसेका एसएसपी नरेन्द्र सेनलाई पुनः सोही ठाउँमा पठाइएको छ । उनी डिआइजीले चलाउने काठमाडौँंस्थित स्टाफ कलेजमा निमित्त प्रमुख भई एक वर्ष बसेका थिए ।

जागिरका दौरान अधिकांश समय आकर्षक मालदार अनि सुगम र रोजिन्दा ठाउँमा सरुवा हुन सफल भए । माओवादीको नाम बेच्दै उनी कैलालीको टीकापुर, धनुषा र विपद् उद्धार गण सिनामंगललगायत विभिन्न कार्यालयको प्रमुख बनेका थिए । त्यसो त सशस्त्र प्रहरीमा कार्यालय प्रमुख नभैकन बस्नै नसक्नेमा भूपेन्द्र केसीहरूको नाम पनि लिने गरिएको छ । त्यसैगरी हाकिमबाहेक अर्थोक नहुनेमा एसएसपी कृष्णराज पाठक पनि पर्छन् ।

अहिले उनलाई दोहर्‍याएर कैलालीको बनबेहेडास्थित तालिम केन्द्रको कमाण्डेन्ट बनाइएको छ । उनलाई बाँकेको नौबस्ता तालिम केन्द्रमा प्रमुख हुँदा तालिमेहरूसँग पैसा उठाएर दम्पच गरेको आरोपमा छानबिनसमेत भएको थियो । यसैगरी, प्रकाश थापालाई निमित्त बाहिनीपति बनाएर सुर्खेत पठाइएको छ ।

(साभार:जनआस्था साप्ताहिकबाट)