बुधबार, साउन १३ २०८३
बुधबार, साउन १३ २०८३
काठमाडौं माघ, २७–
अवैध लागूऔषध खैरो हिरोइनसहित नेपाली सेनाका एक जवान पक्राउ परेका छन् । प्रहरीले कैलालीको बर्दगोरिया गाउँपालिका–१ का २४ वर्षीय ऐकेन्द्र शाहीलाई पक्राउ गरेको हो ।
महानगरीय अपराध अनुसन्धान महाशाखा, टेकुको टोलीले शाहीसँगै घोडाघोडी नगरपालिका(६ का २३ वर्षीय कृष्ण भण्डारीलाई पनि पक्राउ गरेको छ । उनीहरुको साथबाट २२ ग्राम लागूऔषध बरामद भएको प्रहरीले जनाएको छ ।
पक्राउ परेपछि शाहीले आफू ललितपुरमा कार्यरत् सैनिक जवान भएको खुलाएका थिए । उनीहरुले हिरोइन विक्री गर्ने उद्देश्यले काठमाडौं(२६ स्थित सगरमाथा गेष्टहाउसको कोठा नं. १०३ मा बसेका थिए ।
विशेष सूचनाका आधारमा त्यहाँ पुगेको प्रहरी टोलीले उनीहरुको शरीरमा खानतलासी गरेर लागूऔषध बरामद गरेको थियो ।
