बुधबार, साउन १३ २०८३
बुधबार, साउन १३ २०८३
वीरगञ्ज पुस, २७–
गृहमन्त्री समेत रहेका नेकपाका सचिवालय सदस्य रामबहादुर थापा वादलले छिट्टै पार्टी एकता टुंगोमा पुग्ने बताएका छन् ।
शुक्रबार पर्साको वीरगञ्जमा रहेको नेकपाको पार्टी कार्यालयमा आयोजित कार्यकर्ता भेटघाट कार्यक्रममा बोल्दै नेता थापाले माघको पहिलो सातासम्ममा एकता प्रक्रिया टुंगोमा पुग्ने प्रष्ट पारे ।
उनले भने ‘हामीलाई थाहा छ पर्सालगायत देशका केही जिल्लामा एकता प्रक्रियामा समस्या छ । एकता प्रक्रियाका बाँकी काम यही महिनामा पूरा गर्ने सोच पार्टीको छ, आशा छ यो महिना भित्र वा ढिला भएको खण्डमा माघको पहिलो सातासम्ममा एकताका बाँकी काम पूरा हुन्छ ।’
नेकपा नेतृत्वको संयुक्त सरकारले समाजवाद निर्माण गर्दै साम्यवादसम्म पुग्नका लागि ‘समृद्ध नेपाल र सुखी नेपाली’ को नारा लिएको उनको तर्क छ ।
