बुधबार, साउन १३ २०८३
बुधबार, साउन १३ २०८३
हेटौंडा असोज, २०–
नजिकिदैँ गरेको हिन्दुहरुको महान चाड बिजयादशमिको अवसर पारेर हेटौंडा एकेडेमीले शुभकामना तथा प्रभातफेरी कार्यक्रम आयोजना गरेको छ । एकेडेमीले हरेक बर्ष यस्तै कार्यक्रम गर्दै आएको छ । एकेडेमीले सदाझैं यो बर्ष पनि बुद्धचोकबाट सुमार्गी कम्लेक्ससम्म र्याली गरेको थियो । र्यालीमा व्यवसायी तथा विद्यालय व्यवस्थापन समितिका अध्यक्ष अरुणराज सुमार्गी , सन्चालक अङ्किता सुमार्गी , स्काउट ग्रुप , एनसिसी ग्रुप, विद्यालयका शिक्षक तथा बिद्यार्थीहरुको सहभागीता रहेको थियो । उक्त कार्यक्रममा बोल्दै हेटौंडा उपमहानगरपालिकाकी उपप्रमुख मिनाकुमारी लामाले हेटौंडा एकेडेमीले मकवानपुरलाई शैक्षिक हबको रुपमा चिनाउन सफल भएको बताईन् । हेटौंडा एकेडेमीको २१ औ अभिभावक भेलामा बोल्दै उपप्रमुख लामाले हेटौंडा एकेडेमीले बाललमैत्री विद्यालय संचालन गरेकोमा धन्यावाद व्यक्त गरिन् ।
उनले राज्यले नीति बनाएर हरेक नागरिकलाई शिक्षित बनाउनुपर्नेमा धेरै त्रुटि भएको भन्दै त्यसमा संस्थागत विद्यालयले भूमिका खेल्नुपर्नेमा जोड दिईन् । सोही कार्यक्रममा हेटौंडा एकेडेमी सञ्चालन समितीका अध्यक्ष तथा व्यवसायी अरुणराज सुमार्गीले आफूहरु हेटौंडा एकेडेमीलाई विश्वविद्यालय बनाउने योजनामा लागेको बताए । उनले मकवानपुरका विधार्थीलाई मकवानपुरमै शान्त र शैक्षिक वातावरणमा पढ्ने व्यवस्था मिलाउन हेटौंडा एकेडेमी निरन्तर लागिरहेको बताए । सुमार्गीले यस विद्यालयले मकवानपुरलाई शैक्षिक हवको रुपमा चिनाउने दाबी समेत गरे । कार्यक्रममा हेटौंडा एकेडेमीकी सञ्चालिका अंङकिता सुमार्गी , हेटौडा उपमहानरपालिका वडा नम्बर १ वडा अध्यक्ष सबिन न्यौपाने , प्याब्सन मकवानपुरका अध्यक्ष मदनकुमार दाहाल, शिक्षा इकाइका कृष्ण प्रसाद घिमिरे, विद्यालयका प्रधानध्यापक श्रीबहादुर कार्की , विद्यालयका शिक्षक , विधार्थी तथा अभिाभावकहरुको उल्लेख्य सहभागीता रहेको थियो । कार्यक्रममा विद्यार्थीहरुले नाटक , गीत तथा नृत्य समेत प्रस्तुत गरेर सहभागीहरुलाई मनोरञ्जन प्रदान गरेका थिए ।
