बुधबार, साउन १३ २०८३
बुधबार, साउन १३ २०८३
काठमाडौं असोज, ८–
उपरथी पदमा बढुवा भएका रघु भण्डारी र नरेश चन्द्र भट्टलाई प्रधानसेनापछि पूर्णचन्द्र थापाले दर्ज्यानी चिन्ह प्रदान गरेका छन् । गत असोज ०५ गतेको मन्त्रिपरिषद्को निर्णय अनुसार उनीहरु दुबैजना उपरथी पदमा बढुवा भएका थिए ।
यसअघि भण्डारी कल्याणकारी योजना निर्देशनालयका सहायक रथी थिए भने भट्ट रणनीति तथा दीर्घकालिन योजना निर्देशनालयका सहायक रथी थिए ।
आइतबार उनीहरु दुबैलाई जंगी अड्डामा आयोजित एक बिशेष समारोहका बीच प्रधानसेनापति थापाले उपरथी दर्जाको दर्ज्यानी चिन्ह प्रदान गरेका हुन् ।
दर्ज्यानी चिन्हसँगै भण्डारी संभाररथीेको कार्यालय र भट्ट व्यवस्था नीति तथा योजना महानिर्देशनालयको महानिर्देशकमा सरुवा नियुक्ति हुनु भएको सैनिक जनसम्पर्क निर्देशनालयले जनाएको छ ।
