बुधबार, साउन १३ २०८३
बुधबार, साउन १३ २०८३
काठमाडौं साउन, १४–
यसअघि पनि चार पटक सरिसकेको प्रस्तावित प्रधानन्यायाधीश दीपकराज जोशीबारे निर्णय गर्न आज बसेको बैठक निर्णय सुनुवाई नगरी स्थगित भएको छ । आज संसदीय सुनुवाई विशेष समितिको बैठक बसेपनि कुनै निर्णय हुन सकेन । बैठक आगामी साउन १६ गतेसम्मको लागि स्थगित भएको छ ।
जोशीबारे सुनुवाई भएपनि छलफलको क्रम नसकिएकाले १६ गतेसम्मको लागि बैठक स्थगित गरिएको समितिका जेष्ठ सदस्य लक्ष्मणलाल कर्णले जानकारी दिए ।
जोशीको फरक–फरक शैक्षिक प्रमाणपत्रमा एउटै सिम्बोल नम्बर भएको, भ्रष्टचारसम्बन्धी फैसलालगायत विषयमा जोशीले सांसदलाई चित बुझ्दो जवाफ नदिएको र धेरै प्रश्नको जवाफ नै नदिएको भन्दै समितिका सदस्यहरु असन्तुष्ट छन् ।
गत बिहीबार भावी प्रधानन्यायाधीश जोशीको सुनुवाइ भएको थियो । तर, उनी विवादमा तानिएकाले प्रधानन्यायाधीश बनाउने या नबनाउने भन्नेमा अन्योलता उत्पन्न भएको छ ।
यही कारण समितिको बैठक आइतबार पनि स्थगित भएको थियो ।
संवैधानिक परिषद्को सिफारिशमा संसदीय सुनुवाइले भावी प्रधानन्यायाधीश जोशीको नाम अनुमोदन गरेपछि राष्ट्रपतिबाट प्रधानन्यायाधीश नियुक्त हुने संवैधानिक व्यवस्था छ ।
