बुधबार, साउन १३ २०८३
बुधबार, साउन १३ २०८३
काठमाडौं वैशाख, १९–
इन्डियन प्रिमियर लिग (आईपीएल) खेलको बाजी लगाएर अनलाइन जुवा खेल्ने दुईजनालाई प्रहरीले पक्राउ गरेको छ । अनलाइन जुवा खेलेको आरोपमा पक्राउ परेका दुबैजना भारतीय नागरिक रहेको प्रहरीले जनाएको छ । पक्राउ पर्नेहरु भारतको पिपरास्टेशन थाना घर भइ हाल जमल बस्दै आएका ४२ वर्षीय मुकेश जैसवाल र मोतिहारीको ढाकास्टेशन घर भइ हाल काठमाडौंको टंकेश्वर बस्दै आएका २१ वर्षीय सञ्जिव कुमार जैसवाल रहेका छन् ।
महानगरीय प्रहरी वृत्त, जनसेवाको विशेष टोलीले काठमाडौंको खिचापोखरी क्षेत्रमा अनलाइन जुवा हुने गरेको विशेष सूचनाको आधारमा छापा मार्दा उनीहरु पक्राउ परेका हुन् । उनीहरु अनलाइन जुवा खेल्ने र खेलाउने कार्यमा संलग्न भएको प्रहरीको भनाइ छ ।
उनीहरुको साथबाट १ लाख ४० हजार रुपैयाँ ५ सय नगदसहित जुवाका हिसाब राखेको नोट बुक समेत प्रहरीले बरामद गरेको छ । उनीहरुको बारे थप अनुसन्धान भैरहेको प्रहरीले जनाएको छ ।
