भारत हुदै तेश्रो मुलुक बेच्न लैंजादै गरेका २४ महिलाको उद्धार

काठमाडौं साउन, १०–
वैदेशिक रोजगारीको निहुमा भारतको बाटो हुद तेस्रो मुलुक लैजान लागेका  २४ महिलालाई विभिन्न नाकाबाट उद्धार गरीएको छ ।      भारतसँग  खुला सिमाना भएको  बर्दियाका विभिन्न नाकाबाट उनीहरुलाई   उद्धार गरी घर फर्काइएको हो ।   वैदेशिक रोजगारीको नाममा भारतीय बाटो हुँदै तेस्रो मुलुक लैजान लागेको क्रममा उनीहरुलाई नेपाल प्रहरीले स्थानीय संघसंस्थाको सहकार्यमा उद्धार गरी घर फर्काएको हो ।  बर्दियाका प्रमुख जिल्ला अधिकारी विष्णुबहादुर थापाका अनुसार ‘बर्दियाका चारवटा सीमा नाकालाई  चेलीबेटी ओसारपसारका लागि संवेदनशील मानिएको छ । दलालहरुले भारतसँगको खुला सीमाना भएको कारण सुरक्षाकर्मी नभएका स्थानलाई चेलीबेटी ओसारपसार गर्ने मार्गका रुपमा प्रयोग गर्ने तथा सुरक्षाकर्मी राखिएका मार्गहरु  प्रयोग नगर्ने प्रमुख जिल्ला अधिकारी थापाको भनाई छ ।  दलालले चेलीबेटी भारत पु¥याउन बर्दियाकै मानिस प्रयोग गर्ने गरेका तथा  विश्वासै गर्न नसक्ने मानिसले  विभिन्न बहानामा चेलीबेटी भारत पु¥याउने गरेको देखिएको उनले बताए । 
विगत छ महिनाको अवधिमा बर्दियाका  संवेदनशील मानिएका नाकाबाट  मात्र  २४  युवतीलाई उद्धार गरी घर फर्काइएको प्रमुख जिल्ला अधिकारी थापाले बताए । जिल्लामा महिला तथा  चेलीबेटी ओसारपसार,  बेचबिखनविरुद्ध काम गर्दै आएका संस्थाका अध्ययन अनुसार  जमुनी, कर्णालीपुर, गुलरिया, गणेशपुरलगायत धनौरा लगागतका  सीमा नाका चेलीबेटीका लागि अति संवेदनशील क्षेत्र मानिएको उल्लेख छ ।