बुधबार, कार्तिक १८ २०८३
बुधबार, कार्तिक १८ २०८३
ललितपुर । ललितपुर महानगरपालिका–२९ हरिसिद्दी बस्ने ६३ वर्षीय घ्याल्मो लामा श्रीमति हत्याको आरोपमा पक्राउ परेका छन् ।
श्रीमतीको हत्या गरेको आरोपमा प्रहरीले दोलखा भिमेश्वर नगरपालिका–९ घर भई ललितपुर बस्ने लामा पक्राउ परेका हुन् ।
लामाले ४७ वर्षीया श्रीमती रुपा क्षेत्रीको हत्या गरेको प्रहरीले जनाएको छ ।
गोदावरी नगरपालिका–३ फुलचोकीस्थित जंगलमा सडिगलेको अवस्थामा आइतबार दिउँसो रुपाको शव फेला परेको थियो ।
घटनाको अनुसन्धानको क्रममा जिल्ला प्रहरी परिसर ललितपुरबाट खटिएको प्रहरीले घटनामा संलग्न लामालाई पक्राउ गरेको हो ।
लामाले भदौ १६ गते दिउँसो श्रीमतीसँग झगडा भएको कारण डोरीले घाँटीमा बाधेर हत्या गरेको प्रारम्भिक अनुसन्धानका क्रममा खुल्न आएको प्रहरीले जनाएको छ ।
प्रहरीले घटनाका सम्बन्धमा थप अनुसन्धान गरिरहेको छ ।
