शनिबार, कार्तिक २१ २०८३
शनिबार, कार्तिक २१ २०८३
काठमाडौं । नेकपा एमालेका अध्यक्ष केपी शर्मा ओलीले आज बिहान साढे १० बजे पत्रकार सम्मेलन गर्दैछन् ।
एमाले नेता विष्णु रिमालले दिएको जानकारी अनुसार च्यासलस्थित पार्टी केन्द्रीय कार्यालय रहेको तुलसीलाल अमात्य स्मृति भवनमा पत्रकार सम्मेलन गरेर निर्वाचनको तयारीलगायत विषयमा ओलीले जानकारी दिन लागेका हुन् ।
एमालेले निर्वाचन केन्द्रित चुनावी सभा देशका अधिकांश ठाउँमा गरिसकेको छ । सर्वाधिक उम्मेदवार एमालेले नै स्थानीय तह निर्वाचनमा खडा पनि गरेको छ ।
उम्मेदवारलाई मत दिएर विजयी गराइदिन अध्यक्ष ओलीले मतदाताहरूलाई आह्वान गर्दै आएका छन्।
२०७४ सालमा भएको निर्वाचनमा एमाले पहिलो दल बनेको थियो । यतिबेला एमालेविरुद्ध कांग्रेस नेतृत्वमा पाँच दलीय गठबन्धन छ।
गठबन्धनमा दोस्रो, तेस्रो, चौंथो र पाँचौं दल छन् । ओलीले पाँच दल मिलेर बनेको गठबन्धनलाई ‘मिलेर खान बनेको गठबन्धन’को संज्ञा दिने गरेका छन् । तर, पनि एमाले पहिलो दल बन्ने उनको दाबी रहँदै आएको छ ।
