शनिबार, कार्तिक २१ २०८३
शनिबार, कार्तिक २१ २०८३
काठमाडौँ l केही दिनयता बढ्दै गएको कोरोना भाइरसको संक्रमण रोकथाम तथा नियन्त्रणका लागि उपत्यकाका जिल्ला प्रशासन कार्यालयहरुले स्मार्ट लकडाउन लागु गरेको छ ।
काठमाडौँ, भक्तपुर र ललितपुर जिल्लाका प्रजिअहरुको संयुक्त बैठकपछि काठमाडौँ जिल्ला प्रशासन कार्यालयले अलग्गै विज्ञप्ति निकाली स्मार्ट लकडाउनसहित कडाइ गर्ने निणर्य गरेको हो ।
त्यावश्यक नपरी घरबाहिर ननिस्कन र सार्वजनिक स्थानमा निस्किँदा अनिवार्य मास्क प्रयोग गर्न आग्रह गरेको छ।
भौतिक दुरी कायम राख्न र साबुन पानीले बेलाबेलामा हात धुन र स्वास्थ्य मापदण्डको अनिवार्य पालन गर्न पनि काठमाडौँ प्रशासनले आग्रह गरेको छ।
२५ जनाभन्दा बढी भेला नहुन र सिनेमाघर, पार्टी प्यालेसलगायत सार्वजनिक स्थानमा जाँदा माघ ७ देखि अनिवार्य खोप कार्ड देखाउन पनि आग्रह गरेको छ। त्यस्तै, माघ ७ देखि उता सार्वजनिक सेवा लिँदा अनिवार्य खोप कार्ड देखाउन पनि काठमाडौँ प्रशासनले आग्रह गरेको छ।
बैठकले सार्वजनिक सेवा प्रयोग गर्दा माघ ७ गतेबाट लागू हुनेगरी खोपकार्ड अनिवार्य गर्ने निर्णय पनि गरेको छ।
त्यस्तै औषधि लगायत अत्यावश्यक बस्तु तथा सेवा आपूर्तिमा कृतिम अभाव सिर्जना गर्ने, मूल्यवृद्धि गर्ने गरेमा कानुन बमोजिम कारबाही गर्नेलगायतको आदेश पनि बैठकले गरेको छ।
यी आदेशहरु मंगलबार राति १२ बजेदेखि लागू हुने पनि काठमाडौँ जिल्ला प्रशासनले जानकारी गराएको छ।
