शनिबार, कार्तिक २१ २०८३
शनिबार, कार्तिक २१ २०८३
काठमाडौं । पछिल्ला केही दिनयता पश्चिमी न्यून चापीय प्रणालीको प्रभावले प्रभावित मौसम आगामी तीन दिनसम्म जारी रहने भएको छ ।
जल तथा मौसम विज्ञान विभागका अनुसार न्यून चापीय प्रणाली आगामी बिहीवारदेखि कमजोर बन्दै जाने छ । विभागका अनुसार अहिले देशभर आंशिकदेखि सामान्य बदली भइरहेको छ । राति पहाडी तथा हिमाली भूभागमा सामान्यदेखि पूर्णतया बदली रहनेछ । तराईमा आंशिकदेखि सामान्य बदली रही केही ठाउँमा हल्का वर्षा हुनेछ ।
उच्च पहाडी तथा हिमाली भूभागका केही ठाउँमा हल्कादेखि मध्यम हिमपातको सम्भावना रहेको विभागको भनाई छ ।
भोलि धेरै ठाउँमा हल्कादेखि मध्यम वर्षा र उच्च पहाडी तथा हिमाली भूभागका धेरै ठाउँमा हल्कादेखि मध्यम हिमपातको सम्भावना छ ।
