शनिबार, कार्तिक २१ २०८३
शनिबार, कार्तिक २१ २०८३
काठमाडौं । लामो समयदेखि राजनीतिक एजेण्डा बनाइएको अमेरिकी सहयोग मिलेनियम च्यालेन्ज कर्पोरेसन एमसीसी सम्झौतालाई अब संसदले छिनोफानो गर्ने भएको छ ।
सत्ता गठबन्धनकै प्रमुख सहयात्री नेकपा माओवादी केन्द्रका अध्यक्ष पुष्पकमल दाहाल प्रचण्डले एमसीसी सम्झौतालाई संसदको मतदानमा लैजान तयार भएसँगै वैदेशिक सहयोगका विषयमा भोटिङ्ग हुन लागेको हो ।
सत्तारुढ नेपाली कांग्रेसको महाधिवेशनपछि बस्ने संसद बैठकमा एमसीसी सम्झौतामाथि मतदान हुने बताइएको छ ।
एमसीसी सम्झौता साढे २ वर्षदेखि प्रतिनिधिसभामा विचाराधीन छ । दुई वर्ष अगाडि २०७६ साल असारमा संसद सचिवालयमा दर्ता भएको यो सम्झौतामा दलहरु अनिर्णित हुदा पटक पटक म्याद थपिदै आइएको छ ।
पछिल्लो पटक थपेको म्याद पनि यहि महिनाको अन्त्यमा सकिदै छ । सम्झौताको म्याद सकिने अवधि नजिकिँदै जाँदा अमेरिकाले निर्णय लिन नेपालमाथि दबाव बढाएको छ ।
नेपाल भ्रमणमा रहेका अमेरिकी सहायक विदेशमन्त्री डोनाल्ड लूले प्रमुख दलका नेताहरुलाई भेटेर एमसीसीसबारे छिटो निर्णय लिन आग्रह गरेका छन् ।
अमेरिकी सहायक मन्त्री लूसँग भएको भेटमा माओवादी केन्द्रका अध्यक्ष प्रचण्डले संसदबाट निर्णय गरिने बताएका छन् । एमसीसीका विषयमा साझा सहमति जुट्न नसकेपछि सत्तारुढ दलले संसदमा प्रवेश गराउन लागेका हुन् ।
प्रधानमन्त्री शेरवहादुर देउवा र उहाको दल कांग्रेस एमसीसी सम्झौतालाई संसदबाट अनुमोदन गर्न खोजिरहदा माओवादी केन्द्रका अध्यक्ष दाहालले ग्रिन सिग्नल देखाएका हुन् ।
लामो समय अर्निणित बस्दा सम्झौता अगाडि नबढाएको आरोप आफूमाथि लाग्ने डरका कारण संसदमा लगेर त्यसको अपजस विपक्षमा मतदान गर्नेहरुलाई दिन सरकार चाहन्छ ।
