दसैंको टिकाको दिन २ सय ७२ संक्रमित थपिए, आज ८ जनाको मृत्यु

काठमाडौं । पछिल्लो २४ घण्टामा देशभर २७२ जनामा कोभिड–१९ संक्रमण पुष्टि भएको छ। स्वास्थ्य तथा जनसंख्या मन्त्रालयले चार हजार ७१२ जनाको स्वाब परीक्षण गर्दा सो संख्यामा संक्रमित थपिएका हुन्।

पिसिआर विधिबाट दुई हजार ९२ स्वाब परीक्षण गर्दा २४० तथा एन्टिजेन विधिबाट दुई हजार ६२० स्वाब परीक्षण गर्दा ३२ जनामा कोरोना भाइरस देखिएको हो। आज ७७७ कोरोना संक्रमित निको भएका छन्। आज कोरोना भाइरसविरुद्धको खोप लगाउनेको संख्या भने शून्य रहेको छ।

यो अवधिमा कोरोना भाइरस संक्रमणका कारण आठ जनाले ज्यान गुमाएका छन् । अब नेपालमा १३ हजार ३०८ सक्रिय संक्रमित छन्।