आइतबार, कार्तिक २२ २०८३
आइतबार, कार्तिक २२ २०८३
काठमाडौं, भाद्र १६ । झण्डै दुई हप्तादेखि राजधानीमा थुप्रिएको फोहोर आजबाट उठ्ने भएको छ । काठमाडौँ महानगरपालिका र नुवाकोटका सिसडोल बासीबीच फोहोर व्यवस्थापन गर्न दिने ९ बुँदे सहमति भएसगै महानगरले आजदेखि फोहर उठाउने जनाएको छ ।
हिजो साझ बालाजुमा भएको सहमतिअनुसार सरकारी पक्षले सिसडोलसम्मको बाटो १५ दिनभित्र ग्राभेल गर्ने, बाटोमा छरेका फोहोर उठाउने, टाइम कार्डको प्रयोग गर्ने लगायतका सहमति भएको हो । लामो समयसम्म काठमाडौंको फोहर व्यवस्थापन नहुदा राजधानीको वातावरण दूषित भइसकेको छ ।
नियमित रुपमा पूर्ण क्षमतामा फोहोर उठाउँदा पनि अहिलेसम्म जम्मा भएको फोहोर उठाइसक्न करिब महिना दिन लाग्ने महानगरपालिकाको अनुमान छ ।
