सोमबार, कार्तिक १६ २०८३
सोमबार, कार्तिक १६ २०८३
प्रभु बैकले १९ औं बार्षिक साधारण सभा सम्पन्न गरेको छ । बैंकले पुस २६ गते अर्थात आईतबार केन्द्रीय कार्यालय बबरमहलमा बार्षिक साधारण सभा सम्पन्न गरेको हो ।
कोभिड–१९ संक्रमणलाई ध्यानमा राखी सभामा थोरै मानिस उपस्थित थिए भने अन्य शेयरधनीहरु पनि भर्चुअलरुपमा उपस्थित भएका थिए । उनीहरुले बैकले राम्रो सेवा दिँदै आएको अझै उत्कृष्ट सेवा दिन बैंक तयारी रहनुपर्ने बताएकाछन । कोभिडका कारण यस वर्ष १० प्रतिशत बोनस दिएको तर अर्काे २० प्रतिशत बोनस वितरण गर्न बैंक सफल होस भनेर शुभकामना समेत दिएका दिएका थिए ।
त्यस्तै, उनीहरुले बैंकले आफ्ना कमजोरीहरुलाई पनि सुधार गर्दै ७ वटै प्रदेशमा प्रभु बैकको उत्तिकै उपस्थिती गराउन बैंकका अध्यक्ष देवी प्रकाश भट्टचनको ध्यानाकर्षण गराएका थिए । उक्त सभामा बैंकका भावी योजनाका बारेमा जानकारी दिँदै अझ ग्राहकलाई उत्कृष्ट सेवा दिन बैंक क्रियाशील रहेको अध्यक्ष देवी प्रकाश भट्टचनले बताए ।
उनले शेयरधनीले उठाएको कर्मचारी सरुवा बढुवाको जिज्ञासाका बारेमा पनि बोलेका थिए । कर्मचारी सरुवा बढुवा एक साधारण कुरामात्र भएको र यसलाई साधारण तरिकाले मात्रै ग्रहण गर्न अध्ययक्ष भट्टचनले आग्रह गरे । कोभिडका कारण पनि समयमै साधारण सभा गर्न पाएकोमा उनले खुसी व्यक्त समेत गरेका थिए ।
बैंकको उन्नतिमा साथ दिने शेयरधनी, नेपाल राष्ट्र बैंक, पत्रकार, कर्मचारी, धितोपत्र बार्डलगायत अन्य संघ संस्थालाई धन्यवाद समेत दिएका थिए । बैंकले पुस २६ गते डाकेको साधरण सभामा प्रस्तुत गर्न लागेको वार्षिक प्रतिवेदन अनुसार, छ जना सञ्चालकहरुको निर्वाचन गर्दैछ । तीन जना सर्वसाधारण र बाँकी तीन संस्थापक सेयरधनीबाट सञ्चालक चयन गर्दैछ ।
बैंकले १० प्रतिशत बोनस सेयरको एजेण्डा पनि साधारण् सभामा लैजाँदैछ । यसबाहेक कर प्रयोजनका लागि शुन्य दसमलव ५३ प्रतिशत नगद लाभांशको एजेण्डा पनि लैजाँदैछ । बैंकले गत आर्थिक वर्ष एक अर्ब १९ करोड रुपैयाँ खुद नाफा आर्जन गरेको थियो । बैंकसँग कुल सम्पत्ति एक खर्ब ६७ अर्ब रुपैयाँ छ ।
