मंगलबार, कार्तिक १७ २०८३
मंगलबार, कार्तिक १७ २०८३
बिहिबार, जेष्ठ १४ २०८३
काठमाडौँ। नेपाल कम्युनिष्ट पार्टी (एमाले) का अध्यक्ष केपी शर्मा ओलीले स्वदेश तथा विदेशमा रहेका सम्पूर्ण नेपाली मुस्लिम समुदायका दिदीबहिनी तथा दाजुभाइलाई बकर इद (इद–उल–अज्हा) को अवसरमा शुभकामना व्यक्त गरेका छन् ।
शुभकामना सन्देशमा अध्यक्ष ओलीले नेपाल विविध आस्था, संस्कार र सभ्यताले भरिएको देश भएको उल्लेख गर्दै यहाँका विभिन्न धर्म र संस्कृतिहरू सहअस्तित्वका आधारमा अघि बढिरहेको बताएका छन् ।
उनका अनुसार मन्दिरको शङ्खनाद, मस्जिदको अजान, गुम्बाको मन्त्र र सनातन संस्कृतिका सबै स्वर एउटै आकाशमुनि सहअस्तित्वको सङ्गीत बनेर गुञ्जिने वातावरण नै नेपालको पहिचान हो ।
अध्यक्ष ओलीले विविधताबीचको एकता नै नेपालको प्रमुख शक्ति भएको उल्लेख गर्दै यही सहिष्णुता र सद्भावले देशलाई आत्मिक सहअस्तित्वको भूमिमा रूपान्तरण गरेको धारणा व्यक्त गरेका छन् ।
