मंगलबार, कार्तिक १७ २०८३
मंगलबार, कार्तिक १७ २०८३
बुधबार, जेष्ठ १३ २०८३
काठमाडौं । श्रम संस्कृति पार्टीका अध्यक्ष हर्कराज राईले प्रधानमन्त्रीलाई प्रतिनिधिसभामा उपस्थित गराएर जवाफदेही बनाउन सभामुखसँग माग गरेका छन् ।
बुधवार बसेको प्रतिनिधिसभा बैठकमा बोल्दै अध्यक्ष राईले प्रतिनिधिसभा नियमावलीको नियम १५ को उपनियम (२) बमोजिम प्रधानमन्त्रीको उपस्थिति सुनिश्चित गर्न सभामुखसँग आग्रह गरे ।
सभामुखलाई सम्बोधन गर्दै उनले लामो समयदेखि प्रधानमन्त्रीको उपस्थितिको माग गरिँदै आएको भए पनि त्यसबारे प्रभावकारी रुलिङ हुन नसकेको भन्दै असन्तुष्टि व्यक्त गरे ।
राईले सदनको गरिमा कायम राख्न प्रधानमन्त्रीलाई संसद्मा उपस्थित गराउनुपर्ने बताउँदै त्यसो हुन नसके नियमावलीको नियम ३१ को उपनियम (१) प्रयोग गरेर आफूलाई सदनबाट निष्कासन गर्न चुनौती समेत दिए ।
“प्रधानमन्त्रीज्यूलाई सदनमा जवाफदेही बनाएर ल्याउन सक्नुहुन्न भने नियमावलीको ३१ (१) लागू गरेर मलाई यो सदनबाट निष्कासन गरी सदनको गरिमा बढाइदिनुहोस्,” उहाँले भन्नुभयो, “कि त प्रधानमन्त्रीज्यूलाई यहाँ बोलाइदिनुपर्यो, होइन भने मलाई निस्केर जा भन्नुपर्यो ।”
अध्यक्ष राईले सभामुखको कार्यगत बाध्यता र परिस्थितिबारे आफू जानकार रहेको उल्लेख गर्दै नियमको कार्यान्वयन नहुँदा सदनको मर्यादामा असर परेको टिप्पणी गर्नुभयो ।
