शनिबार, कार्तिक २१ २०८३
शनिबार, कार्तिक २१ २०८३
शुक्रबार, साउन १९ २०८०
काठमाडौं । दोलखाको गौरीशंकर गाउँपालिका–८ मा पहिरोले घर बगाउँदा चार जना बेपत्ता भएका छन्। तीन जनाको उद्दार गरिएको छ।
वडा नम्बर ८ सल्ले र गोपाटारमा केही घर बगाउँदा उनीहरू बेपत्ता भएका हुन् । गएराति दुई वटा घर पुर्दा एक घरका तीन जना र अर्को घरका एक जना गरी ४ जना बेपत्ता भएका हुन्।
घाइतेलाई थप उपचारका लागि काठमाडौं ल्याउन हेलिकप्टर मगाइएको घटनास्थलमा रहेका प्रहरी नायव निरीक्षक बासुदेव थापाले जानकारी दिए।
बेपत्ता र घाइतेको परिचय खुल्न नसकेको उनको भनाइ छ। बेपत्ता भएकाको प्रहरी र स्थानीयले खोजी गरिरहेका छन्।
यस्तै गएरातिको वर्षाले सोही वडाको सल्ले गाउँका २ घर बगाएको छ। १५ घर विस्थापित भएको वडा अध्यक्ष वडाअध्यक्ष दावा शेर्पाले बताए।
दुर्गम भएकाले पहिरोबाट भएको क्षतिको विवरण आउन बाँकी छ।
