बिहिबार, साउन १४ २०८३
बिहिबार, साउन १४ २०८३
काठमाडौं फागुन, २३–
पूर्व सांसद कुमारी लक्ष्मी राईलाई नेपाली कांग्रेसले राष्ट्रपतिको उम्मेदवार बनाउने भएको छ । बिहीबार पार्टी कार्यालय सानेपामा बसेको बैठकले राईलाई उम्मेदवार बनाउने निर्णय गरेको हो ।
दोस्रो संविधानसभामा समानुपातिक सांसद बनेकी राई २०३० सालदेखि राजनीतिमा आवद्ध छिन् । कांग्रेस नेता दिवानसिंह राईकी छोरी समेत रहेकी राईका पिता २०१५ सालमा सांसद बनेका थिए । उनको पञ्चायत कालमा हत्या भएको थियो । कांग्रेसमा नेता मानबहादुर विश्वकर्मालाई राष्ट्रपतिको उम्मेदवारका रुपमा हेरिए पनि एमालेले विद्या भण्डारीलाई अघि सारेपछि कांग्रेसले पनि महिला उम्मेदवार बनाउने निर्णय गरेको हो ।
