बिहिबार, साउन १४ २०८३
बिहिबार, साउन १४ २०८३
काठमाडौ फागुन, २०–
संसद सचिवालयले आगामी फागुन ३० गतेसम्मको संसदको कार्यसूचि तयार गरेको छ । सचिवालयले संघीय संसदमा प्रतिनिधित्व गर्ने दलहरुसँग संयुक्त छलफल गरेपछि उक्त कार्यसूची तय गरेको हो । आइतबार राष्ट्रिय मान्यताप्राप्त पाँच दलका नेताहरुसँग छलफल गरेर सचिवालयले कार्यसूचि तय गरेको हो ।
प्रतिनिधिसभा निर्वाचनबाट नेकपा एमाले, नेपाली कांग्रेस, नेकपा माओवादी केन्द्र, संघीय समाजवादी फोरम र राष्ट्रिय जनता पार्टीले राष्ट्रिय दलको मान्यता पाएका छन् ।
दलहरुसँगको छलफलबाट आगामी फागुन ३० गतेसम्मको कार्यसूचि तयार पारिएको संसद सचिवालयका प्रवक्ता डा. भरतराज गौतमले जानकारी गराए ।
संघीय संसदले प्रतिनिधिसभाका सभामुख, राष्ट्रियसभाका अध्यक्ष र प्रधानमन्त्रीले विश्वासको मत लिने कार्यतालिका सार्वजनिक गरेको छ ।
सार्वजनिक कार्यतालिका अनुसार २६ गते प्रतिनिधिसभाको सभामुख, २७ गते प्रधानमन्त्रीको विश्वासको मत र ३० गते राष्ट्रियसभाका अध्यक्षको निर्वाचन गरिने बताईएकोृ छ ।
निर्वाचन आयोगले २९ गते राष्ट्रपति निर्वाचनको कार्यतालिका सार्वजनिक गरिसकेको छ । त्यस्तै, भोलि सोमबार संघीय संसदको पहिलो अधिवेशन आह्वान गरिएको छ । संवैधानिक व्यवस्था अनुसार संघीय संसदको पहिलो अधिवेशन सम्पन्न भएको मितिले १५ दिन भित्र प्रतिनिधिसभाका सभामुख, उपसभामुख, राष्ट्रियसभाका अध्यक्ष, उपाध्यक्षको निर्वाचन सम्पन्न गरिसक्नुपर्ने हुन्छ । त्यसैगरी सरकार गठन भएको मितिले १ महिना भित्र संसदमा प्रधानमन्त्रीले विश्वासको लिईसक्नुपर्ने हुन्छ ।
