बिहिबार, साउन १४ २०८३
बिहिबार, साउन १४ २०८३
बुटवल माघ, २८–
एमाले नेता शंकर पोखरेललाई वाम गठबन्धनले प्रदेश ५ को मुख्यमन्त्री नियुक्त गर्न प्रदेश प्रमुखसमक्ष दाबी पेश गर्ने भएको छ ।
बहमुत सांसदको सहमतिसहित एमाले र माओवादीले मुख्यमन्त्रीको दाबी पेश गर्न लागेका हुन् । आइतबार नै एमाले र माओवादीले प्रदेश प्रमुखसामू दाबी पेश गर्न लागेको जानकारी गराए ।
प्रदेश ५ मा एमाले र माओवादीबीच पोखरेललाई मुख्यमन्त्री बनाउने सहमति चुनाव अघि नै भएको थियो । पोखरेल एमाले संसदीय दलका नेता पनि चयन भैसकेका छन् । प्रदेश ५ मा वाम गठबन्धनको प्रष्ट बहुमत छ । बहुमत सांसदको सहमतिसहित मुख्यमन्त्रीको दाबी पेश गरेपछि प्रदेश प्रमुखल नियुक्त गर्नु पर्नेछ ।
प्रदेश ५ मा सकेसम्म आजै र ढिलोमा भोलिसम्म मुख्यमन्त्री नियुक्ति हुने बताइएको छ । आइतबार नै प्रदेश प्रमुख उमाकान्त झा, प्रदेश सचिव शंकर पाठकसहित मुख्यमन्त्रीका उम्मेदवार शंकर पोखरेल, एमाले उपमहासचिव विष्णु पौडेल लगायतले सपथ ग्रहण स्थान छनोटका लागि अनुगमन समेत गरिसकेका छन् ।
